Fahasalamana

Partagé sur :
• facebook

Tsy nitaza-potsiny ny loto sy fako ary ireo tapa-kazo mameno ny tananan’i Toamasina ny fikambanana sosialy FIMAMI na Fikambanana Malagasy Mijoro, notarihan’ny filoham-boninahiny ny senatera Benesy Harison Sebastien, sy ny filohan’ny fikambanana Mananjara Auguste,

 omaly fa nitarika ireo mpikambana an’arivony tao aminy nanadio tanana, sy nanaisotra ireo fako sy tapa-kazo zary lasa sakana mahatonga fitohanana tamin’ny arabe nanomboka ny sabotsy teo. Natomboka tao amin’ny lalana hopitaly kely nandalo tao Tanamakoa izay tena nisy fako nanakan-dalana ary tonga hatrany Valpinson ny fanadiovana nataon’izy ireo omaly tontolo ny andro; hitohy amin’ny fanaiovana ny araben’ny fahalevan-tena sy ao Ambolomadinika ny asa tanamaro izay sady vola ho an’ny mpikambana no fanadiovana ny tanana iombonana ny asa ataon’izy ireo anio. Taorian’ny fandalovan’ny rivo-doza “AVA” ka niteraka loto eran’ny tanana izao dia iadivan’ny HVM avokoa ireo fikambanana miezaka mandray ny andraikiny manampy ny mpiara-monina sy ny tanana iombonana amin’izao. Mihevitra ny hiasa irery amin’ny fidedahana eo imason’ny olona fa miasa izy ireo; ka ireo fikambanana rehetra miezaka mandray anjara amin’ny fanadiovana ny tanana dia misedra olana avokoa amin’ny ataon’ireo ekipan’ny HVM ao Toamasina ireo. Nandritra ny fandalovan’ny filohan’ny antenimierandoholona no filohan’ny antoko HVM tany an-toerana ny alahady teo anefa no nilazany fa “aoka isika hifaninana amin’ny tsara amin’izao fahavoazana mianjady amin’ny vahoaka izao, tsy ho lany andro ifanenjika etsy sy eroa intsony”.

Rakoutou

Tia Tanindrazana

Samia mijoro ho an'i Gasikara.