Fahasalamana

Fampihenana ny fahafatesan’ny reny sy ny zaza Nankasitraka ireo mpitsabo Rtoa Voahangy Rajaonarimampianina

Fahasalamana
Talata 28 Novambra 2017

Mba hahafahana mampihena ny taham-pahafatesan’ny reny sy ny zaza eo am-piterahana dia notoloran-dRtoa Voahangy Rajaonarimampianina mari-pankasitrahana avokoa ireo tompon’andraikitra ara-pahasalamana eny anivon’ireo tobim-pitsaboana CSB II eto amintsika, manatanteraka ilay tetikasa CARMMA (Campagne pour l’Accélération de la Réduction de la Mortalité Maternelle et Infantile en Afrique).

Teny amin’ny lapam-panjakana Ambohitsirohitra no nanatanterahana izany, ho fampirisihina ireo tompon’andraikitra ara-pahasalamana ireo hanao ny tsara kokoa hatrany. Andiany faharoa ity fanolorana mari-pankasitrahana sy valisoa notanterahiny ity, tamin’ity taona 2017 ity. Tanjona ny hahafahana mampihena hatrany ny taham-pahafatesan’ny reny sy ny zaza eo am-piterahana aty Afrika, hetsika hiarahana amin’ny minisiteran’ny fahasalamam-bahoaka. Miisa 88 izy ireo no nahazo tombontsoa, narahina fanolorana fitaovana sy kojakoja toy ny solosaina, finday, fanamiana hanaovana rehefa mandray marary, fitaovam-pitaterana toy ny bisikileta… Nahatratra 478 amin’ny 100.000 ireo zaza namoy ny ainy teo am-piterahana, tamin’ny taona 2012, izay niakatra hatrany amin’ny 498 tamin’ny taona 2009. Vehivavy 10 isan’andro kosa no mamoy ny ainy eo am-piterahana, vokatr’ireo karazan’olana maro samihafa mifandraika amin’ny vohoka sy ny fiterahana, ka ny telo amin’ireo dia tsy ampy taona avokoa.

Pati