Fahasalamana

Fahasalamana Ratsy nify ny 90 %-n’ny Malagasy

Fahasalamana
Alatsinainy 23 Oktobra 2017

Marary sy ratsy nify avokoa ny 90 %-n’ny Malagasy, raha araka ny fanazavan’ny dokotera Rénaud Rasolonirina, tompon’andraikitra misahana ny fahasalaman’ny nify sy ny ativava eto amin’ny Faritra Analamanga.

Antony mahatonga izany ny fihinanana sakafo diso mamy loatra, ny tsy fahaizana manadio ny nify arahin’ny tsy fanatonana ny tobim-pitsaboana. Amin’ny ankapobeny, mila manadio nify in-telo isan’andro ny olona iray, izany hoe isaky ny avy misakafo. Tokony hatao ihany koa ny fampitondrana borosy nify ny ankizy madinika any am-pianarana hahafahany manadio ny nifiny rehefa avy mihinana odiambavafo izy ireny. Tokony hanatona tobim-pitsaboana in-droa isan-taona ihany koa ny olona na dia tsy marary nify aza. Nomarihiny fa efa miezaka ny mampitombo isa ireo mpitsabo nify eto amintsika ny fanjakana saingy mbola olana ny fitobian’izy ireny eto an-drenivohitra. Mahatsiaro sahirana noho izany ny any ambanivohitra ka tsy vitsy ireo manao dokotera tenany.

Pati