Fahasalamana

Fahasalamana Nanolotra fiara 10 ny Koreanina Tatsimo

Fahasalamana
Alarobia 10 Martsa 2021

Nanolotra fiara fitondrana marary na “ambulance” miisa 10 ONG Koreanina "African Future Foundation Madagascar"

hanatsarana ny kalitaon’ny rafitra sy tolotra ara-pahasalamana ankapobeny eto Madagasikara. Tonga nanatrika ny fanolorana ofisialy izany ny Minisitry ny Fahasalamam-bahoaka, Pr Rakotovao Hanitrala Jean Louis sy ny Masoivoho Koreana Tatsimo miasa eto Madagasikara, SEM Yongho Son. Nambaran'ny Ministra fa tsy amin’ny ady amin’ny COVID-19 irery ihany no hampiasana ireo "ambulance" ireo, fa haparitaka any amin’ireo distrika lavi-dàlana sy maro tranga-na lozam-pifamoivoizana, ary ho an’ireo hopitaly lehibe izay mbola tsy manana ahafahan’ny vahoaka misitraka izany. « Fahasalamana ho an’ny rehetra tsy ankanavaka », izay no velirano faha-5 nifanaovan’ny filoham-pirenena tamin’ny vahoaka Malagasy, ary izao fampitaovana izao dia tohin’ny ezaka sy paikady apetraky ny Minisitera anatanterahana izany, hoy ny fampitam-baovao.

Toky R