Fahasalamana

Fahasalamam-bahoaka Mila fampivoarana ny rafitra sy ny fitaovana

Fahasalamana
Talata 26 Febroary 2019

Mbola ahitana kolikoly ny sehatry ny fahasalamana, indrindra eny amin`ireo toeram-pitsaboana mampitaraina ny marary sy ny fianakaviana manana ny tsy salama midodododo eny amin`ny hopitaly.

Ny marary na ny fianakavian`ireo olona mila fikarakarana any amin'ny tobim-pahasalamam-panjakana dia miankina amin'ny asa ataon'ny dokotera, mpitsabo mpanampy, ny mpampivelona amin'ny ankapobeny. Mitairana anefa ny olna amin'ny ataon'ny mpiasan'ny fahasalamana satria ny kalitaon`ny asa ratsy ka kivy ny olona. Mitarazoka ny fomba fiasa eny amin'ny toeram-pitsaboana na hopitaly na CSB, hany ka voatery manao kolikoly amin`ny mpiasa mba handray ny fikarakarana sahaza na handray tombontsoa manokana. Ireo antony mahatonga izany dia ny tsy fahampian`ny karama, tsy misy fanonerana « indemnité de garde », tsy misy fitaovana manaraka ny fenitra mba hiasana. Tsy misy fijerena azy ireo manokana angamba. Maro amin`ireo sampandraharaha eny amin`ny hopitaly no mbola manararaotra ny fahasahiranan`ireo marary, indrindra ireo avy any ambanivohitra tsy mahafantatra ny lalan-kaleha. Eo koa ny fanatsarana ny tolotra ara-pahasalamana ho an`ny daholobe izay mbola lavitr`ezaka.

Marigny A.