Fahasalamana

Fahaketrahana ara-tsaina Ankizy no tena betsaka voany

Fahasalamana
Zoma 07 Aprily 2017

Aretina iray miafara amin�ny famonoan-tena hatrany amin�ny ankapobeny ny fahaketrahana ara-tsaina (Depression) raha tsy voatsabo.

Ireo ankizy adolantsento manomboka eo amin’ny 16-20 taona no tena betsaka mamono tena hampidirina etsy amin’ny hopitaly HJRA Ampefiloha tato ho ato, hoy ny profesora Rajaonarison Hortensia. Tsy mbola matotra tsara mantsy ny atidohan’izy ireny, tsy ampy ihany koa ny fiheverany ka ny famonoan-tena no hany hitany fa vahaolana tokana. Mbola latsaky ny 10 % amin’ireo marary ihany anefa no afaka mitsabo tena eto amintsika. Mety ho vokatry ny tsy fananam-bola izany nefa mety ho vokatry ny tsy fahampian’ny mpitsabo ihany koa. Mbola vitsy amin’ireo tobim-pitsaboana eto amintsika mantsy no manana mpitsabo mandray an-tanana manokana ireny olona lasibatry ny fahaketrahana ara-tsaina ireny. Hankalazaina anio zoma 7 aprily ny andro manerantany ho an’ny fahasalamana. Nanaovana adihevitra tetsy amin’ny minisiteran’ny fahasalamam-bahoaka omaly ny resaka fahaketrahana ara-tsaina sy ny vahaolana hoenti-miady aminy. Fomba fisehon’ny aretina ny kendrena eo anelanelan’ny maso sy ny handrina sy ny fitokana-monin’ilay marary.

Pati