Fahasalamana

Partagé sur :
• facebook

Hifarana ity ny fampielezan-kevitra. Hiroso amin’ny fifidianana isika rahafakampitso. Samy nanao izay ho afany nanao

faradoboka ireo kandida efa nahavita ny anjarany. Nisy ihany koa moa ireo nisafidy ny hiandry ity tena andro farany anio. Nisy tamin’ireo kandida no tsy niala tamin’ny mahazatra fa nanohy hatrany ny fampisehoany ny tanjany sy ny fahafahana manolotolotra etsy sy eroa. Tsy asiana resabe intsony ny amin’iny fa izay no hitan’izy ireo fa ampy hanjonoana ny ankamaroan’ny Malagasy. Ho hita eo amin’ny 27 novambra. Somary nahagaga kosa ny fihetsiky ny filoham-pirenena hatramin’ny omaly. Ireo olompirenena sy mpanara-baovao indray no mahatsiaro ny tenany ho menatra raha nijery ny zava-misy. Ao anatin’ny fiafaran’ny fampielezan-kevitra ny tenany no tonga nitokana ny kianja manara-penitr’i Barikadimy ao Toamasina ary nanatontosa fandraisam-pitenenana izay hita ho mandrisika an-kolaka ny mpifidy hiandany amin’ireo kandidam-panjakana. Fa tsy tafiditra ao anatin’ny tetikasan’ny federasionina iraisampirenen’ny kitra ho an’ny faritra 22 ve moa ity ao Barikadimy ity ? Fa taiza ny filohan’ny FIFA ? Taiza ny filohan’ny federasionina Malagasy ? Tsy nisy andraikitra mafonjafonja kokoa tokony ho niandraiketan’ny filoham-pirenena ve omaly mba hanavotana izao fasahiranam-bahoaka izao ? Zary zatra haingo ambony tsikoko lava ny Malagasy ankehitriny ary aleo tsy asiana resaka intsony koa iny fiara vaovaon’ny filoha nahavariana omaly iny. Ny vahoaka mbola fadiranovana foana fa ny filoham-pirenena sy ny ekipany toy ny mbola manao fampihelezankevitra mandava-taona.

J. Mirija

Tia Tanindrazana

Samia mijoro ho an'i Gasikara.