Fahasalamana

Dr Marius Ramaroson “Tsy te hieritreritra fihibohana indray aho”

Fahasalamana
Alarobia 23 Desambra 2020

Efa nilaza aho, hoy ny dokotera mpitsabo, Marius Ramaroson, fa tsy maintsy hisy

ny andiany faharoa amin’ny Coronavirus. Efa nolazaiko koa fa vakisiny ihany no alaolana. Io andiany faharoa io, raha ny famaritan’izy ireo azy dia arakaraky ny isan’ireo marary tratra hoe miakatra indray ny isany. Somary manjavozavo ihany ny fomba fijery satria ny valanaretina dia tsy vitan’ny hoe mora miparitaka fa mety miova ihany koa rehefa any amin’ny olona. Fiovan’ny “génétique” ho lasa “virus mutant” no ilazana azy. Io faran’io ilay hoe mety ho mora miparitaka. Tsy voalaza kosa anefa hoe mahery vaika noho ilay taloha io. Mety ho mora miparitaka io fa tsy ho mahery vaika noho ilay taloha. izaho aloha tsy te hieritreritra fihibohana izany indray fa hoy aho hoe toy ny gripa rehetra dia ilaina ny fanajana ireo fepetra ara-pahasalamana na “geste barrière” satria valanaretina no resaka. Mino aho, hatrany ny tenany fa tsy hiverina amin’izany fihibohana izany isika. Niaraha-nahita ny fijaliana tamin’izany fihibohana ka ilaina ny mitady fomba hafa, hoy hatrany ity mpitantana ny klinika Saint Thomas ity.

J. Mirija