Dr Marius Ramaroson

Partagé sur :
• facebook

Mbola anatina fotoam-piseraseràna isika amin’izao fotoana

satria moa mbola fialàntsasatra sy ny namany, hoy ny Dokotera mpitsabo, Dr Marius Ramaroson. Matetika adino ao anatin’izany, hoy izy, ny fiarovàna tahaka ny sasa-tanana amin’ny rano sy savony, ny arotava sy ny namany. Tsy miova ilay karazana gripa lasa hita ho tena miparitaka tao anatin’ity fiafaràn’iny ririnina iny. Matetika amin’ny fiafaràn’ny fahamaroan’ny serasera toy izao mihitsy no mahazo hery ilay «épidémie» na fifindràn’aretina. Miserasera ny olona dia mifanerasera koa ny aretina ary tsy ferana ao anatin’izay ny fitombony na «mutation» sy ny toy izany. Mitombo ilay «virulence» na fifindràn’ny viriosy rehefa maro io fifaneraseràna io. Ny tena loza dia tsy mifidy ilay aretina fa tratra daholo na lehibe na kely. Tsy misy fiarovàna ankoatran’ny arotava sy fanasàna tanana ary miala amin’ilay fifampikasohana raha azo atao. Tsy maintsy manatona Dokotera, ankoatran’izay, amin’ny resaka fanafody ilaina. Ny mahagaga dia isika mbola tsy tena mampiasa ny fanafody fisoroha gripa na «antigrippe» isika. Mbola tsy zatra mampiasa izany «Tamiflu» izany izao ny Dokotera malagasy. Ny any ivelany avy dia izany na «antiviral», izany hoe, fanamafisana hery fiarovana mihitsy no omen’ny mpitsabo. Tokony efa atao maoderina kokoa ny fitsaboana gripa eto! Maro nefa eto ny «neurologiste» na manam-pahaizana manokana momba ny aretina mifandray amin’ny loha, hoy hatrany ny tenany.
J. Mirija
 

Tia Tanindrazana

Samia mijoro ho an'i Gasikara.