Fahasalamana

Dr Manitra « Manaova arotava, hajao ny elanelana »

Fahasalamana
Zoma 04 Desambra 2020

Ahiana ny mety hisian’ny andiany faharoa amin’ny areti-mandoza Covid 19 any

Antsiranana. Am-polony mantsy ireo mpianatry ny anjerimanontolo efa voa amin’izao fotoana izao, raha araka ny vaovao niely hatramin’ny omaly. Ho an’Antananarivo kosa anefa raha araka ny fanazavan’ny dokotera Manitra Rakotoarivony, talen’ny fampiroboroboana ny fahasalamam-bahoaka eo anivon’ny Ministeran’ny Fahasalamana dia mbola tsy misy atahorana izany. Mila mitandrina tsara fotsiny ny rehetra hoy izy amin’ny fanajana ny fepetra ka anisan’ireny ny fanaovana aron-tava mandrakariva, ny fanajana ilay elanelana iray menatra ary ny fampiasana gel hahosotra amin’ny tanana. Ho an’Antsiranana manokana moa izay ahitana an’i Nosy be dia tsiahivina fa efa nanokatra ny sidina mankany ivelany izy ireo nanomboka ny volana Oktobra lasa teo. Tokony hotandrovana fatratra araka izany ny tsy hiparitahan’ny valan’aretina na dia mafana aza ny andro. Eo an-daniny efa maro amin’ireo mponina any an-toerana no tsy manao aron-tava intsony.

Pati