Dokotera Rakotonoelina Domoina

« Miteraka aretina maro fihinanana Vitamina C be loatra »

Fahasalamana
Alakamisy 05 Jona 2025

Tafiditra tanteraka ao anatin'ny vanim-potoanan'ny ririnina isika ankehitriny,

fotoana mampirongatra ny aretin'ny taovam-pisefoana. Lohalaharana amin'izany ny gripa sy ny kohoka izay marihina fa tena tsy mifidy taona tokoa. Tsy vitsy ireo olona mihevitra araka izany fa ny fihinanana fanafody mampiakatra hery fiarovana no tena vahaolana ho enti-miady amin'izany ka anisany ny Vitamina C. Tena miteraka aretina maro anefa ny fihinanana Vitamina C diso tafahoatra raha araka ny fanazavan'ny dokotera Rakotonoelina Domoina. Mararirary hatrany ny kibo ary mety mivalana mihitsy ilay olona, maloiloy lava, mety hisy olana ihany ny voa, mety mampihetsika ny goty ihany koa....Vahaolana hatorony ny rehetra araka izany ny tokony hakana ny Vitamina C any anatin'ny sakafo toy ny fihinanana voankazo miloko mavo ohatra. Tokony hofadiana kosa hoy izy ny mihinana Vitamina C fahatany tsy nahazoana alalana avy amin'ny dokotera.
Pati
Légende : Ny dokotera Rakotonoelina Domina !