Fahasalamana

CSB II Sabotsy Namehana Maty teo am-pilaharana ilay lehilahy

Fahasalamana
Alatsinainy 06 Jolay 2020

Tsy hay izay nanjo ny lehilahy iray nilahatra hizaha fahasalamana tetsy amin’ny CSB II Sabotsy Namehana ny faran’ny herinandro teo fa dia maty teo am-piandrasana teo ilay lehilahy.

Nisy vehivavy miisa 2 sy lehilahy 1 moa hita niara-nikarakara azy teo saingy tsy nahatana ny ainy. Velon’ahiahy amin’ny zava-misy ny mpiara-monina, indrindra, manoloana ny fipariahan’ity valanaretina malaza ity. Raha sanatria ka coronavirus no nahafaty ity lehilahy ity dia mazava ho azy fa mampanahy ihany koa izany ny momba ireo izay nifampikasoka taminy rehetra manomboka amin’ireo olona miisa 3 voalaza teo.

J. Mirija