CSB II EFOETSE

Mila tsy ho antonona ny hopitaly, tsy maharaka ny fanafody

Fahasalamana
Zoma 22 Novambra 2024

Mila tsy ho antonona ireo marary vokatry ny fihinanana trondro Akio intsony ny CSB II ao Efoetse kaominina

ambanivohitr’i Efoetse, distrikan’i Toliara II. Raha araka ny vaovao azo avy any an-toerana mantsy dia tafakatra 62 isa ireo marary hatramin’ny omaly Alakamisy 21 Novambra raha miisa 55 afak’omaly. Zaza amam-behivavy avokoa ny ankamaroan’izy ireo. Mila tsy haharaka intsony ihany koa ny fanafody vokatr’izany. Tsiahivina moa fa ho an’ireo tonga voalohany teny anivon’ny hopitaly dia efa misy mihatsara saingy mbola mila tohana ara-panafody sy sakafo. Toraka izany koa ireo vao tonga. Sahirana ny mpitsabo vokatr’izany koa manao antso avo amin’ny tompon’andraikitra mba ho fiarovana ny ain’ireo marary ireo.
Pati
Legende : Ireo efa nahazoazo taona no tena mahita faisana tahaka izao !