Fahasalamana

CROIX ROUGE INTERNATIONAL Hanampy amin’ny ady amin’ny pesta

Fahasalamana
Zoma 20 Oktobra 2017

Noraisin’ny praiminisitra lehiben’ny governemanta, Solonandrasana Mahafaly Olivier, teny Mahazoarivo omaly ny sekretera jeneralin’ny federasionan’ny Croix rouge international sy ny Croissant rouge, Elhadj As Sy.

Ny ady amin’ny fipariahan’ny valanaretina pesta no hiompanan’ny fanampiana hataon’ity sampana ity, raha ny fanazavana. Vonona ny hanampy amin’ny lafiny rehetra izay azonay hidirana izahay, hoy izy. Ankoatra ny fihaonana tamin’ny praiminisitra dia efa nihaona tamin’ny minisitry ny fahasalamana ihany koa izy. Ny fiaingana amin’ny fanentanana ho amin’ny fisorohana ny aretina hatrany aloha no ho laharam-pahamehana mba tsy haharetan’ny valanaretina ela loatra ary ilaina ny fiaraha-mientan’ny rehetra.

J. Mirija