Fahasalamana

CHU ANDROVA MAHAJANGA Niampy ny efitrano fandraisana ireo zaza marary

Fahasalamana
Alakamisy 30 Aogositra 2018

Miisa 50 isam-bolana eo amin’izao ireo zaza marary tonga manatona ny hopitaliben’Androva ao Mahajanga.

Ny 25 amin’ireo dia saika tazonina manaraka fitsaboana ao avokoa noho ny aretina mahazo azy. Ny olana anefa dia tsy ampy ary tena tsy maharaka ireo marary mihitsy ny efitrano handraisana azy ireo. Mba ho fanampiana ity CHU Androva ity ary dia nanamboatra efitrano iray fanampiny ho azy ireo ny orinasa STAR mahazaka ankizy enina. Efa nanomboka tamin’ny taona 2016 ny fiaraha-miasan’ny roa tonta ho fanatsarana ny fandraisana an-tanana ny fahasalaman’ny mpiara-belona, indrindra fa ny ankizy. Nohatsaraina koa ny toeram-pidiovana sy ny manodidina ho fitandroana ny fahasalaman’ny marary. Ankoatra ny kohoka sy ny gripa mahery moa dia anisan’ny mamely ireo ankizy ao Mahajanga ihany koa ny tazo.

Pati