CEG TALATAMATY

Nakatona, amin'ny Alatsinainy vao miverina mianatra

Fahasalamana
Zoma 21 Novambra 2025

Tovovavy kely mpianatra miisa 20 no

fantatra fa lasibatr'ilay aretina ambalavelona tao amin'ny CEG Talatamaty, distrikan'Ambohidratrimo afak'omaly Alarobia 19 Novambra. Iray no niantombohan'izany raha araka ny fanazavan'ny Lehiben'ny fari-piadidiam-pampianarana Rakotondrabe Andrîniaina nitombo ho 15 izany ary tsy nijanona raha tsy 20 isa. Tamin'io afak'omaly Alarobia io ihany dia fantatra fa efa niasana tao amin'ny sekoly, antony nanakatonana azy. Hatramin'ny anio Zoma 21 Novambra raha araka ny fanazavany dia mbola mitohy ny asa hatao eo anivon'ity CEG Talatamaty ity sy ny fanadiovana azy ho fiarovana ny mpianatra. Nomarihin'ity tompon'andraikitra ity moa fa voamarina fa tena ambalavelona no nahazo ireo tovovavy mpianatra ireo taorian'ny fidinan'ny Médecin chef nijery ny fahasalaman'izy ireo. Nitabataba, nihorakoraka, tsy mahatsiaro tena no sady nihinjitsinjitra ireo ankizy lasibatra ireo hoy hatrany ny fanazavany.
Pati
Légende : Izy no Rakotondrabe Andrîniaina, lehiben'ny fari-piadidiam-pampianarana ao.Ambohodratrimo !