Fahasalamana

Boriborintany fahenina Zaza roa matin’ny kitrotro, norarahana ranom-panafody ny tanàna

Fahasalamana
Talata 27 Novambra 2018

Nahitana trangan’aretina kitrotro tany amin’ny fokontany Ambohimiadana atsimo, Boriboritany fahaenina, kaominina Antananarivo Renivohitra ny zoma lasa teo.

Zaza iray no fantatra fa namoy ny ainy vokatr’izany ka tsy nitazam-potsiny ny kaominin’Antananarivo Renivohitra fa avy hatrany dia nandefa ny ekipa avy tao amin’ny amin’ny BMH (Bureau municipal d’Hygiène), nandraraka ranom-panafody teny amin’ny tranon’ireo niharam-boina. Tanjona amin’izany, raha araka ny fanazavana azo dia mba hamonoana ireo bibikely sy ny otrikaretina mety hiparitaka manodidina ny trano, hitsinjovana hatrany ny fahasalaman’ny daholobe. Araka ny voalazan’ireo mponina manodidina moa dia efa roa izao ny zazakely maty voan’ity aretina kitrotro tao Ambohimiadana atsimo, tao anatin’ny herinandro izay. Hanamafy ny asa fanadiovana ny Boriborintany fahenina no sady hanentana ny isam-pokontany sy ny isan-tokantrano ihany koa mba samy hanaja izany.

Pati