Fahasalamana

Befotaka Atsimo Olona 113 matin’ny tazomoka sy fivalanana

Fahasalamana
Zoma 03 Jolay 2020

Olona miisa 113 no naomy ny ainy tany Befotaka Atsimo noho ny tazomoka sy ny fivalanana tao anatin’ny iray volana, raha ny tatitra nataon’ny solombavambahoaka avy any an-toerana.

Any amin’ny 56 no namoy ny ainy tao amin’ny kaominina Bekofafa, ary ny zoma 26 jona no nisy maty farany. 57 no namoy ny ainy tany amin’ny kaominina Ranotsara, ka ny 28 jona teo no nisy namoy ainy farany. Tazomoka sy fivalanana. Efa nanao izay azo natao ny mpiasan’ny fahasalamana, fa betsaka ihany koa ny tsy manantona ny toeram-pitsaboana. Nanao antso avo amin’ny Minisiteran’ny fahasalamana, minisiteran’ny rano,minisiteran’ny mponina ny solombavambahoaka voafidy tany Befotaka Atsimo manoloana ny zava-miseho. Tena mamono olona an-jatony ny tazomoka sy ny aretina hafa, saingy takon’ny coronavirus.

Toky R