Fahasalamana

Aretin’ny homamiadana Mitombo isa hatrany ireo voany

Fahasalamana
Alakamisy 22 Jona 2017

Tafakatra 94 tapitrisa ireo olona lasibatry ny aretina homamiadana maneran-tany ka ny valo tapitrisa no efa namoy ny ainy.

Ny vehivavy no tena betsaka indrindra mitondra faisana amin’izany. Ho an’ny tany an-dalam-pandrosoana toa antsika eto Madagasikara dia ny 87 %-n’ny vehivavy no efa lasibatr’ity karazan’aretina iray ity ka ny homamiadan’ny nono sy ny vozon’ny tranonjaza no tena mahazo vahana. Anisan’ny antony mahatonga izany, araka ny fanadihadiana natao ny fifohana sigara, ny fisotroana toaka, ny loto sy ny fofona miparitaka etsy sy eroa raha tsy latsa-danja amin’ireo ny fihinanana sakafo be akora simika, ny fanaovana firaisana ara-nofo aloha loatra ary ny fiterahana maro loatra. Ahiana mbola hitombo hatrany io salan’isa io ho an’ny tany an-dalampandrosoana mandrapahatongan’ny taona 2025 raha tsy misy ny fepetra raisin’ny tsirairay. Nisy ny fanolorana mari-pankasitrahana ho an’ireo mpitsabo telo tena mahery fo niady tamin’ity aretina ity teto amintsika tetsy amin’ny Carlton Anosy omaly, notohanan’ny sampandraharahan’ny firenena mikambana misahana ny fahasalamana.

Pati