Fahasalamana

Partagé sur :
• facebook

Aretina tsy dia be mpahalala firy nefa mamono ankizy 80.000 ka hatramin’ny 90.000 isan-taona maneran-tany ny Noma raha ny tarehimarika navoakan’ny sampandraharahan’ny firenena mikambana misahana ny fahasalamana.

 Hafa dia hafa ny fisehon’ny aretina amin’ny ankapobeny. Potika tanteraka ny endrik’ilay zaza vokatry ny fahasimban’ny sela ao anatiny sy ny akanjonifiny…Ireo ankizy teraka tsy tonga volana sy lasibatry ny tsy fanjarian-tsakafo amin’ny ankapobeny no mitondra faisana. Anisan’ny antony mahatonga ny aretina ihany koa ny loto sy ireo karazana areti-mifindra. Antom-pijoroan’ny fikambanana “Les enfants du Noma” eto amintsika izany mba hahafahana manampy ireo ankizy madinika ampahorian’ity aretina iray ity. Ny taona 2001 no niorina ny fikambanana tarihin’ny dokotera Bellety sy Costini. Mitsabo ireo ankizy sima sy misy fivontosana ihany koa izy ireo, indrindra ireo mila fandidiana maika. Tafiditra ao anatin’izany ny aretina Noma izay ny famerenana amin’ny laoniny ireo faritra potika ihany no hany vahaolana tokana. Hanohana azy ireo ny vondrona Star, izay misy dokotera mpandidy roa, dokotera mpampatory roa, mpitsabo mpanampy roa… Tany Vatomandry no nisantarana azy ity nanomboka ny fiandohan’ny volana aprily teo ka marary miisa 45 no nozahana ny fahasalamany, iray no mararin’ny Noma. Any Antsirabe kosa no hotanterahina ny hetsika faharoa amin’ny volana oktobra ho avy izao. Ny tany an-dalam-pandrosoana toa antsika no tena betsaka zaza lasibatry ny aretina Noma.

Pati

Tia Tanindrazana

Samia mijoro ho an'i Gasikara.