Fahasalamana

Aretina kitrotro Tsy nisy intsony ireo matiny teto amintsika, am-bolana maro izao

Fahasalamana
Alakamisy 06 Jona 2019

Namoaka tatitra mikasika ny fanaraha-maso ataon’izy ireo mikasika ny fivoatran’ny aretina kitrotro eto amintsika ny minisiteran’ny fahasalamam-bahoaka.

Nambaran’izy ireo fa tsy nisy intsony ireo ankizy na olon-dehibe namoy ny ainy vokatr’ity aretina ity hatramin’ny 26 mey lasa teo. Nanomboka ny 03 septambra lasa teo, raha araka ny tarehimarika voaray dia nahatratra 146.277 ireo olona lasibatra ka ny 19.708 tamin’ireo no somary nanano sarotra ny fitsaboana azy. Miisa 1.394 kosa ireo tena voaporofo fa voan’ny kitrotro rehefa nampiasana ilay fitaovana kely IgM, izany hoe ny 62 %. Nomarihin’izy ireo ihany koa moa fa tsy nahitana ny valanaretina kitrotro intsony tany amin’ireo distrika hita fa mena tato anatin’ny efatra herinandro.

Pati