Fahasalamana

Aretina kitrotro Ankizy 82 000 no voa tao anaty dimy volana

Fahasalamana
Alatsinainy 28 Septambra 2020

Araka ny fanambarana nataon` ny vondrona iraisam-pirenena misahana ny fahasalamana (OMS) dia ankizy miisa 82 405 no voan` ny kitrotro teto Madagasikara teo anelanelan` ny volana septambra 2018 sy ny volana febroary 2019 ka 926 tamin`ireo matin`ity valanaretina ity.

Noho ny fahatsapahana ny maha zava-dehibe ny fiarobavna ny zaza amin`ny kitrotro dia nanomboka hetsika faobe fanaovam-baksiny “dose faharoa” ny minisiteran` ny fahalasamam- bahoaka tohanan` ireo mpiara-miombon`antoka aminy. Nanomboka ity volana septambra ity hatramin` ny volana desambra izao izay hetsika izany. Amin`ny maha “dose faharoa”ity vaksiny ity dia ireo zaza 15 hatramin` ny 18 volana no hisitraka izany ary afaka atao eny amin`ireo toeram-pitsaboina fototra (CSB) manerana ny distrika izany. Marihana fa efa nisy ireo faritra no nanomboka ny taom-baksiny toy ny tany Amparafaravola, Miarinarivo, Ambato-boeny, Antanifotsy, Manandriana, Fenoaribe, Ankazoabo... Mora mifindra sy mamono ny aretina kitrotro ary mbola olana lehibe eo amin`ny fahasalamam-bahoaka ity aretina mifindra ity.

Marigny A.