Fahasalamana

Aretina Hepatite B Mahazo ny 20%-n�ny Malagasy

Fahasalamana
Sabotsy 01 Aprily 2017

Nampahafantarin�ny tompon�andraikitra voalohany mikasika ny areti-mifindra eo anivon�ny hopitaly Befelatanana tetsy amin�ny Kudeta Anosy omaly fa mahatratra hatrany amin�ny 20%-n�ny Malagasy amin�izao fotoana izao no voan�ny aretina Hepatite B.

Araka ny fanazavana, areti-mifindra mamotika tsikelikely ny aty avy amin’ny firaisana ara-nofo sy ny ra izy ity. Misoko mangina ny aretina satria dia maro ireo marary mihevitra ny tenany ho salama kanefa rehefa dila ny taona maro vao gaga hoe potika tanteraka ny atiny. Hatramin’ny zaza ao am-bohoka dia mety hifindrany saingy tsy hatahorana ho avy amin’ny fampinonoana zaza. Nampahafantatra moa ity sampana ity fa azo atao ny mitily ny aretina ary efa nisy fihenam-bidy ny vaksiny hisirohana azy. Tsindrona 3 no ilaina ary 40.000 ariary no totalim-bidiny.

Mirija