Fahasalamana

Aretina Hépatite B 30.000 ny olona vita vaksiny

Fahasalamana
Alakamisy 24 Aogositra 2017

Anisan’ny aretina mampatahotra ny olona mafy ihany koa amin’izao fotoana ny Hepatite B eto amintsika.

Ny 25 %-n’ireo Malagasy mantsy no efa voany ka ireo miaina eny anivon’ny tontolo ambanivohitra no tena betsaka indrindra. Antony nanosika ny orinasa mpandraharaha fanafody Sopharmad hanao fihenam-bidy amin’ny vidin’ny vaksiny fanefitr’ity aretina ity izany izay nidina ho 13.300 Ar isaky ny andiany, mielanelana iray volana ny andiany voalohany sy faharoa raha afaka enim-bolana kosa ny andiany fahatelo. Hatreto dia efa tafakatra 30.000 isa ireo olona tonga nanao vaksiny nividy fanafody teny anivon’ireo toeram-pivarotam-panafody rehetra eto an-drenivohitra, hetsika efa nanomboka tamin’ny volana desambra taona 2016 lasa teo. Ny 15 septambra ho avy izao no hifarana ny hetsika izay efa nitarina 15 andro noho ny fangatahan’ny maro. Hiverina ho 120.000 Ar indray ny vidin’ny vaksiny telo aorian’izay. Tsiahivina fa manodidina ny 48 tapitrisa Ar ny vola tsy maintsy ilaina hitsaboan-tena ho an’ireo olona marary voan’ny Hepatite B eto amintsika, aretina tsy ahitana tranga ety ivelany akory amin’ny ankapobeny.

Pati