Fahasalamana

Aretina diabeta Mitombo isa hatrany ireo olona voany

Fahasalamana
Zoma 07 Jolay 2017

Mitombo isa hatrany ireo olona voan’ny aretina diabeta eto amintsika, raha araka ny fanazavan’ny dokotera José, tompon’andraikitra eo anivon’ny AMADIA etsy Faravohitra.

Isaky ny manao fitiliana maimaimpoana izy ireo dia mahatratra 5 % ireo olona lasibatr’ity aretina ity vokatry ny rarintsaina, ny fihinanana sakafo tsy ara-pahasalamana, ny fisotroan-toaka, indrindra ny tsy fampiasam-batana izay tena mahazo vahana tokoa ankehitriny. Na izany aza anefa raha araka ny fanazavan’ity dokotera ity dia anisan’ny olona lava andro iainana indrindra ny olona voan’ny diabeta raha voatsabo ara-potoana ilay aretina mahazo azy. Lasa mahay misakafo ara-pahasalamana mantsy izy ireny, misotro rano tsara, mihinana karazana legioma dimy isan’andro sady mampiasa vatana ihany koa. Nomarihiny manokana anefa fa tena mandany vola ny fitsaboana ny diabeta saingy efa miezaka ny fanjakana ankehitriny manamaivana ny fahasahiranan’ny marary. Ho an’ny AMADIA manokana dia efa raisin’izy ireo an-tanana maimaimpoana ny fitsaboana ireo ankizy madinika voan’ny diabeta raha nohamaivanin’ny fanjakana kosa ny vidim-panafody ho an’ny olon-dehibe. Roa taona no kely indrindra lasibatr’ity aretina iray ity eto amintsika.

Pati