Fahasalamana

Aretina diabeta Ela velona kokoa ireo voany raha mahay mitaiza vatana

Fahasalamana
Alatsinainy 17 Desambra 2018

Na dia anisan’ny aretina mahavoa olona betsaka aza ny aretina diabeta maneran-tany dia fantatra kosa fa ela velona kokoa ireo voany raha mahay mitaiza vatana.

Hainy tsara mantsy ny mitandrina ny sakafo haniny sy ny manaraka ireo toro-mariky ny dokotera hoy dokotera Manitra Rakotoarivony, tompon’andraikitra eo anivon’ny Ministeran’ny Fahasalamam-bahoaka ka anisan’ireny ny fampiasam-batana. Nisy ny fitiliana ny aretina diabeta maimaim-poana notanterahin’ny AMADIA tetsy amin’ny HJRA Andavamamba ny Sabotsy, notohanan’ity ministera iray ity. Nambaran’ny dokotera Haja Ramamonjisoa avy eo anivon’ny AMADIA tamin’izany fa 4 % eo ho eo ny tahan’ireo olona voan’ny diabeta amin’izao eto Madagasikara. Rehefa manao fitiliana maimaim-poana tahaka izao anefa izy ireo dia mahatratra any amin’ny 5 ka hatramin’ny 12 % hatrany ireo olona lasibatra ka tokony samy hitandrina ny rehetra. Ny fitiliana ihany hoy izy no vahaolana raha mandova avy amin’ireo Ray aman-dReniny kosa ny 90 % nefa azo sorohana tsara. Ny Sabotsy teo moa no nankalazana tamim-pomba ôfisialy ny andro iraisam-pirenena iadiana amin’ny aretina diabeta.

Pati