Fahasalamana

Areti-mifindra eto Madagasikara Nanaovana tomban’ezaka manokana

Fahasalamana
Alarobia 07 Jona 2017

Nanaovana tomban’ezaka tetsy amin’ny Hotely Colbert Antaninarenina omaly ny momba ny fahasalamam-bahoaka eto amintsika.

Voakasik’izany ireo karazana areti-mifindra, ny tazomoka, ny tazo vony… aretina izay fantatra fa mbola tena mahazo vahana tokoa aty amin’ny tany an-dalam-pandrosoana tahaka antsika. Nanomboka tamin’ny taona 2015 tokoa mantsy dia tsy nisy afa-tsy ny 1/3-n’ny firenena maneran-tany no namaly ny sampandraharahan’ny firenena mikambana misahana ny fahasalamana (OMS) mikasika ny fampiharana ny RSI ( Reglement Sanitaire International) izay tokony hampiharin’ny firenena rehetra. Tanjona tamin’izao atrikasa izao ny mba hahafahana miaro ny mpiray tanindrazana amin’ny fiparitahan’ny valan’aretina, indrindra fa ireo teratany vahiny ka hitondrana fanohanana ho azy ireo ho an’ireo izay tena mila izany. Anisan’ny nanohana ny OMS tamin’ny fikarakarana atrikasa ity moa ny minisiteran’ny fahasalamam-bahoaka.

Pati