Fahasalamana

Areti-mandoza SIDA Ny 15 ka hatramin’ny 49 taona no betsaka voa

Fahasalamana
Alarobia 02 Desambra 2020

Antananarivo no maro olona voan’ny areti-mandoza SIDA indrindra manerana

ny faritra 22 noho ny hamaroan’ireo olona mivezivezy ao aminy. Eo anelanelan’ny 15 ka hatramin’ny 49 taona kosa ireo olona tena mitondra izany valan’aretina izany ary ahitana azy ireo avokoa manerana ny faritra. Na izany aza dia mbola ambany ny tahan’ireo olona voa ho an’i Madagasikara raha oharina amin’ny any amin’ny firenen-kafa. Tombanana ho 0,3 % mantsy ireo olona voan’izany raha miisa 38 tapitrisa kosa tamin’ny taona 2019 saingy ny 25,4 tapitrisa amin’izy ireo no nahazo fitsaboana tamin’ny alalan’ny ARV. Na izany aza dia mbola miezaka hatrany ny komity nasionaly miady amin’ny aretina SIDA na ny CNLS manao izany ho afany. Nankalaza ny andro maneran-tany iadiana amin’ny SIDA izy ireo omaly teny amin’ny le pavé Antaninarenina. Nivoitra nandritra izany ny lohahevitra manao hoe : “Firaisankina maneran-tany sy andraikitry ny tsirairay ny ady amin’ny areti-mandoza SIDA!” Nentina nakana ny hevitr’ireo mpizaika, hampitomboana ny enti-manana mba hanafainganana ny asa hanatrarana ny tanjona iraisam-pirenena dia ny hanafoanana tanteraka ity areti-mandoza ity amin’ny taona 2030 moa no tena anton’ilay fihaonana omaly.

Pati

Legende : Samy naneho ny heviny avokoa ireo mpizaika teto