Fahasalamana

Andriambavy Anne Elisabeth Mandalo eto amintsika, hitsidika ny BMH Isotry

Fahasalamana
Talata 24 Oktobra 2017

Mandalo eto amintsika nanomboka omaly alatsinainy 23 oktobra ny Andriambavy Anne Elizabeth Alice Louise sy ny vady andefimandriny, ny Vice-amiral Timothy Lawrence.

Raha tsiahivina, zanaky ny mpanjakavavy Elizabeth II, mpanjakan’i Angletera sy ny Printsy Philippe ny Andriambavy Anne Elizabeth Alice Louise. 50 taona mahery izy ankehitriny izay mpanao asa soa ikoizana maneran-tany manampy ireo ankizy tsy ampy sakafo sy ireo lasibatry ny aretina. Tonga nitsena azy teny am-pahatongavana omaly, ny vadin’ny filoham-pirenena, Ramatoa Voahangy Rajaonarimampianina notronin’ireo mpikambana vitsivitsy eo anivon’ny governemanta, notarihin’ny praiminisitra Solonandrasana Olivier. Maro ny fandaharam-potoanan’ny mpanjakavavy mandritra ny fandalovany eto amintsika. Lohalaharana amin’ireny ny fitsidihana ireo toerana manan-tantara toy ny any amin’ny Nosy Radama any Nosy-be Hell ville sy ny Commonwealth War Graves Commission Cemetery any Diégo-Suarez. Hihaona amin’ireo fikambanana misehatra amin’ny fiarovana ny tontolo iainana sy miady amin’ny fahantrana ihany koa ny tenany hahafahan’ny roa tonta miara-miasa sy mifampizara traikefa. Ho an’Antananarivo Renivohitra manokana moa dia tafiditra ao anatin’ny fandaharam-potoanany ny fandalovana etsy amin’ny BMH Isotry hijerena manokana ny resaka fahadiovana.

Pati