Fahasalamana

Partagé sur :
• facebook

Niteraka resabe ny mikasika ny vaksiny hiadiavana amin’ny Coronavirus, ka ao anatin’izany ilay hoe aty Afrika no hanaovana fanandramana voalohany.

 Tsara marihina, fa misy dingana maro sy ambaratonga vao afaka avoaka sy ampisaina izany, hoy Dr Ramamonjisoa Bodo avy amin’ny Direction de la vaccination, ao amin’ny ministeran’ny fahasalamam-bahoaka. Ho antsika eto Madagasikara dia misy ny vondrona teknika fakan-kevitra (Groupe Technique Consultative) izay manapa-kevitra na hampiditra ny vaksiny isika na tsia, hoy ny fanazavany. Mbola tsy ao anatin’ny fampidirana ny vaksiny izany isika, fa mbola manaraka hatrany ny toromariky ny filoham-pirenena. Manana ny safidiny ny firenena iray na hanaiky na tsia, ary mbola tsy amin’izany mihitsy isika, fa ao anatin’ny fanarahana ny toromariky ny filoham-pirenena sy minisiteran’ny fahasalamana, hoy izy nanamafy. Tsara ampahatsiahivina fa ireo vaksiny mahazatra nahabotrabotra ny zanakitsika, dia manana vaksiny miady amin’ny aretina 11 isika: kohadavareny, kitrotro, meningite,  lefakozatra,… Mitohy isan’andro ireny, fa tsy maintsy hajaina ny fepetra amin’ny fisorohana ny coronavirus. Maimaimpoana ny vaksiny mahazatra, ary misy ny fiaramanidina mitondra ireo hiatrehana ny covid 19, ka misy hatrany ihany koa ireny vaksiny mahazatra ireny. Manao izay hisian’ireny vaksiny ireny any amin’ny tobim-pahasalamana rehetra rahateo ny mpiara-miombon’antok amintsika, raha ny fanazavana.

Toky R

Tia Tanindrazana

Samia mijoro ho an'i Gasikara.