Fahasalamana

Ampasina Andina Ambositra Marary nify ny ankamaroan’ny mponina

Fahasalamana
Alakamisy 21 Septambra 2017

Ratsy nify ny 80 %-n’ny Malagasy. Antony maro no mahatonga izany toy ny tsy fahampian-tsakafo, ny tsy fahaizana mikojakoja ny fahasalaman’ny nify sy ny ativava.

Ho an’ny kaominina Ampasina Andina, any Ambositra manokana dia mahatratra 60 isan’andro amin’izao ireo olona tonga manala nify, manararaotra ireo olona valo mianadahy mpitsabo nify avy any Alemaina mandalo any an-toerana. Ao amin’ny “Centre Médical Communautaire” no hanatanterahana ny hetsika, izay tsiahivina fa natsangana vokatry ny fiaraha-miasan’ny GROUPAMA Frantsay malala-tanana avy any Alemaina izay marihina fa misy trano fiterahana, misy trano fitsaboana, misy laboratoara hijerena ny kankana … Ireo vahoaka ao amin’ny fokontany Ampasina kosa no niantsoroka ny fanamboarana ny trano. Arahina fampianarana ireo mponina momba ny fikojakojana ny nify sy ny ativava izany. Maimaimpoana ny fanalana ny nify sy ny fanafody rehetra. Misy mponina miisa 24.400 moa ao Andina ankehitriny, miparitaka amina fokontany miisa 15. Ny ady amin’ny aretina bilarziozy sy ny ady amin’ny tsy fandriampahalemana no asa maika hiantsorohan’ny ben’ny tanàna Rakotozandrindrainy amin’izao fotoana.

Pati