Fahasalamana

Amborovy - Mahajanga Mitily homamiadan'ny nono sy vozon'ny tranonjaza

Fahasalamana
Zoma 22 Desambra 2017

Hampiantrano ny hetsika faradoboka amin'ny fitiliana maimaimpoana homamiadan'ny nono sy vozon'ny tranonjaza ny fokontanin'Amborovy ao Mahajanga anio.

Noho ity fokontany ity somary lavitra, araka ny fahitan'ireo mpikarakara, dia ny Fondation Akbaraly sy ireo mpiara-miombonantoka aminy, dia ny Croix Rouge Malagasy sy Italiana no antony nanomezana tombony azy amin'izao faradoboka izao. Ny tontolo andron’ity zoma 22 desambra ity ao amin’ny CSB II Amborovy no hanantanterahana ny hetsika izay hitiliana maimaimpoana ny homamiadan’ny vozon'ny tranonjaza sy ny nono ho an'ny vehivavy ao Mahajanga. Araka ny antontanisa dia 81 tamin'ireo vehivavy 3 074 notiliana no tsikaritra fa voan'ny homamiadan'ny vozon'ny tranonjaza ny taona 2016 no ho mankaty. Raha 62 tamin'ireo vehivavy 1 754 notiliana ny homamiadan'ny nono kosa no fantatra fa mitondra ny aretina ny taona 2014 hatramin’ny 2015 farany teo. Ireo fidangan'ny antontanisa ireo no nanery ny Fondation Akbaraly nanao io tolotra maimaimpoana io ho an'ireo vehivavy eny amin'ny fokontany Amborovy.

Nangonin’i Jean D.