Fahasalamana

Ambohitrantenaina Imerintsiatosika Hanatanteraka didimpoitra faobe ny miaramila

Fahasalamana
Zoma 28 Jolay 2017

Hanatanteraka didimpoitra faobe ao amin’ny tanànan’Ambohitrantenaina Imerintsiatosika izay misy ny anjara tanin’izy ireo ny miaramila mivondrona ao amin’ny Service civique.

Ny 5 Aogositra ho avy izao no hanatanterahany izany any an-toerana ka zazalahy kely miisa 50 no ezahina hahazo tombontsoa. Dokotera miaramila ihany no hanao ny asa fandidiana. Ity no hetsika voalohany hotanterahin’izy ireo any an-toerana, ny kolonely Jules Randriamanirisoa, talen’ny kabinetran’ity sampandraharaha iray ity. Efa hanomboka hanajary ny tanànany ao Ambohitrantenaina mantsy ireo miaramila ka tsy maintsy mifanome tanana sy manampy ireo mpiara-monina aminy. Nomarihin’ny kolonely fa miasa amin’ny fampandrosoana ny tontolo ambanivohitra izy ireo. Tafiditra ao ny fanofanana ny olon-tsotra mba hilofo amin’ny asa fambolena sy ny fiompiana. Anio zoma no hifarana ny fisoratana anarana ho an’ireo ray aman-dreny manan-janaka lahikely tsy vita fora. Hisy ny fanolorana malabary ho an’ireo ankizy nahavita nisoratra anarana mialoha.

Pati