Fahasalamana

Ambohipo Nodiovina ny tsena

Fahasalamana
Alarobia 25 Oktobra 2017

Tsy mitsahatra manatsara sy manasoa ny tanàna ny fiadidiana ny tanànan’Antananarivo.

Nanantontosa fanadiovana teny amin’ny tsenan’Ambohipo ny avy ao amin’ny boriborintany faharoa ny alatsinainy faha-23 oktobra 2017. Niara nisalaha tamin’ny fanantaterahana ny asa ny mpivarotra, tonga teny ihany koa ny mpamonjy voina nitifitra rano ary ny mpandraraka fanafody (DDT) hoentina miady amin’ny otrikar’etina. Mety hiteraka valan’aretina maro ny loto sy ny fako miangona, mahatonga ny fahatsetseman’ny lakandrano, mety hanelingelina ny mpiantsena ihany koa sns... Noho izany dia tsy maintsy handraisana fepetra hentitra.Efa ataon’ny tompon’andraikitra avy ao amin’ny kaominina matetika moa ny hetsika fanadiovana tsena tahaka itony mba ho tombotsohan’ny rehetra, na ny mpividy izany na ny mpivarotra. Anjara ny tsirairay ihany koa anefa ny mikajy sy mikojakoja izay tandrify azy.

RTT