Airtel Madagascar sy ny ASM Efa-taona niadivana tamin’ny Vih

Partagé sur :
• facebook

Efa-taona nifanomezan-tanana iadiana amin’ny otrikaretina Vih/ SIDA sahady ny orinasam-pifandraisana Airtel Madagascar sy ny Association d’Aide et Soin aux Malades (ASM) tarihin’ny profesora Mamy Randria, tompon’andraikitra voalohany eo anivon’ny hopitalim-panjakana Befelatanana eny ambony.

Efa-taona nifanomezan-tanana iadiana amin’ny otrikaretina Vih/ SIDA sahady ny orinasam-pifandraisana Airtel Madagascar sy ny Association d’Aide et Soin aux Malades (ASM) tarihin’ny profesora Mamy Randria, tompon’andraikitra voalohany eo anivon’ny hopitalim-panjakana Befelatanana eny ambony. Mbola vonona hatrany ny roa tonta  hifanampy sy hifanohana mandritra ny taona 2018 ho avy io hahafahana manampy ny mpiara-belona. Nivoitra izany  nandritra ny dinika nanaovan’izy ireo jery todika ny asa vita tamin’ny taona 2018 hahafahana miatrika ny taona vaovao 2018. Raha tsiahivina ny tantara dia faritra maro manerana ny Nosy no mahazo tombontsoa amin’ity fiaraha-miasan’ny Airtel sy ny ASM ity. Anisan’izany ny ao Fianarantsoa, Antananarivo, Toamasina, Moramanga, Foulpointe, Mahajanga… Tamin’ny alalan’ny fametrahana hopitaly mandehandeha sy faritra natokana hitsaboana ireo marary no nahazoan’ny tsirairay tombontsoa tamin’izany, narahina fitiliana maimaimpoana ny aretina SIDA, toraka izany koa ny fitsaboana ireo marary, ny fanolorana fitaovana sy fanafody ho an’ny ASM nataon’ny Airtel. Tsiahivina moa fa anisan’ny andraikitra goavana noraisin’ny Airtel efa taona maromaro lasa izay ny fandefasana sms maimaimpoana ho an’ny mpanjifa mikasika ny fihetsika tokony hatao hiatrehana ny areti-mandoza SIDA.

Pati

Tia Tanindrazana

Samia mijoro ho an'i Gasikara.