Fahasalamana

Ady amin’ny pesta Nitondra ny anjara birikiny ny BNI

Fahasalamana
Zoma 03 Novambra 2017

Manoloana ny firongatry ny aretina pesta eto amintsika dia tsy nitazam-potsiny ny banky BNI amin’ny maha mpiara-miombon’antoka azy ireo amin’ny fanatsarana ny asa sosialy eny anivon’ny fiaraha-miasa.

Tonga nitondra ny anjara birikiny teny anivon’ny birao nasionaly misahana ny loza voajanahary izy ireo afak’omaly, tamin’ny alalan’Atoa Barijaona Ramaholimihaso, mpanolotsain’ny tale jeneralin’ity banky iray ity. Nandray izany Atoa Venty Thierry, sekretera mpanatanteraka eo anivon’ny BNGRC, fanampiana nahitana trano lay sy fandriana picot am-polony maro. Natao hanampiana amin’ny ady amin’ny valanaretina pesta amin’ny alalan’ireo barazy hapetraka eny an-dalana ireto fitaovana ireto ka tafiditra ao anatin’izany ihany koa ny enivon’ny fokontany. Tao anatin’ny hafaliana tanteraka moa no nandraisan’ny BNGRC izao fihetsika maha te ho tia nasehon’ny banky BNI azy ireo izao, izay nohamafisin’Atoa Barijaona Ramaholimihaso fa fihetsika tokony hatao ho fiarovana ho fahasalaman’ny mpiara-belona.

Pati