Ady amin’ny pesta Nanolotra fitaovana mitentina 600 tapitrisa Ar ny PSI

USAID

Fahasalamana
Alakamisy 22 Febroary 2018

Nanaiky ny minisitry ny fahasalamam-bahoaka ny profesora Andriamanarivo Mamy Lalatiana fa tsy mbola foana ny aretina pesta eto amintsika. Mbola mitohy hatrany ny ady, hoy izy,

satria mbola amin’ny volana aprily vao hifarana tanteraka ny fotoana hiparitahan’ny valanaretina pesta eto amintsika. CSB II miisa 30 manerana ny Nosy no hovatsiana fitaovana manara-penitra. Ivontoerana hahafahana manapotika ireo karazana loto avy any amin’ny hopitaly izy io toy ireo karazana tavoahangy nisy fanafody nitsaboana olona, ny vovondandihazo izay tsy tokony hifangaro amin’ny fako avy any an-tokantrano mba tsy hiparitahan’ny mikraoba. Ny PSI/ USAID no namatsy ireo fitaovana ireo izay mitentina hatrany amin’ny 600 tapitrisa Ar. Ankoatra izay dia notolorana tavoahangina Sur’Eau miisa 100.000 niampy kojakoja maro samihafa ihany koa ireo tobim-pitsaboana ireo. Tanjona amin’izany moa ny hiarovana ny aretina pesta tsy hiparitaka, indrindra raha misy marary tonga eny anivon’ny tobim-pitsaboana. Tsiahivina moa fa manampy amin’ny fanofanana ireo tompon’andraikitra eny anivon’ny hopitaly ihany koa ny PSI/USAID.

Pati