Fahasalamana

Ady amin’ny pesta Hisy ny fanadiovana faobe manerana an’i Madagasikara

Fahasalamana
Alatsinainy 30 Oktobra 2017

Nifantoka tamin’ny ady atao amin’ny valanaretina pesta ny fandaharana “fotoam-bita” fanaon’ny filoham-pirenena isan-kerinandro hanazavany ny tara ho fantatra mikasika ny raharaham-pirenena ankehitriny.

Ny pesta no efa nandripaka tao anatin’ny 2 volana. Efa ao anatin’ny sokajy faharoa ny aretina, hoy ny filoha Hery Rajaonarimampianina. Noho izany, mila hamafisina ny ady ary hahetsika hatrany ireo rantsa-mangaika rehetra. An’arivony ireo mpilatsaka an-tsitrapo mirotsaka eny amin’ny fokontany. Manerana ny faritra 22 koa dia efa tafapetraka ireo fiara fitsaboana mandehandeha ka azo alaina any an-tranony avy hatrany ireo marary. Hisy ny fotoana manokana hanaovana fanadiovana faobe manerana ny nosy izay mbola hampahafantarina mandritry ny filankevitry ny minisitra manaraka ny andinindininy. Efa nahoraka tamin’ny herinandro teo ny mety hisiana 3 andro hampiatoana ny asa aman-draharaha rehetra hanaovana ny fanadiovana faobe ary nampametra-panontaniana ny mpanao politika toy ny filohan’ny antoko PLD, Sarah Rabearisoa, hoe ho zakan’ny Malagasy ve ny tsy miasa telo andro ? Iray andro aza izy sahirana vao mahita hanin-ko hanina.

J. Mirija