Fahasalamana

Ady amin’ny pesta ao Andoharanofotsy Mitety fokontany manentana ny mponina ny polisy kaominaly

Fahasalamana
Alatsinainy 13 Novambra 2017

Tsy amin’ny vanim-potoana fisian’ny valanaretina pesta tahaka izao ihany fa irina haharitra sy mandavan-taona mihitsy ny asa fanadiovan-tanana ho an’ny kaominina Andoharanofotsy Atsimondrano.

Raha araka ny fanazavan’ny Ben’ny tanàna Ranirison Hasina dia nohatevenina tamin’ny alalan’ny fidinan’ny polisy kaominaly eny anivon’ny fokontany mihitsy ny hetsika hanentanana ny vahoaka amin’ny fahadiovana. Fokontany roa hatreto no efa vita ka asa tanterahin’izy ireo ny fanaraha-maso ny fahadiovan’ny tanàna, ny trano fivoahana, ny tata-drano… Efa tena niezaka nanadio ny mponina, hoy hatrany ny Ben’ny tanàna satria lasa avo roa heny ankehitriny ny fako voaangona eo anivon’ny kaominina. Ezahina hotohizana sy hanjary ho fiainan’ny isan-tokantrano mihitsy ny hetsika mba hananan’ny rehetra fahasalamana. Tsiahivina fa trangan’aretina pesta miisa 12 no hita teo anivon’ny kaominina Andoharanofotsy tamin’ity taona 2017 ity. Efa sitrana avokoa ireo narary, misokatra ho an’ny rehetra ny tobim-pitsaboana.

Pati