Fahasalamana

ADY AMIN�NY ARETINA SIDA Misokatra ny fifaninanana tantara an-tsary

Fahasalamana
Alarobia 01 Martsa 2017

Mitohy hatrany ny ady amin�ny aretina SIDA, indrindra fa ny fanilikilihana ireo efa voa ho an�ny fikambanana Omasave.

Amin’ny alalan’ny fifaninanana tantara an-tsary na bande dessinée indray no hanohizany ny hetsika izay hiarahany amin’ny fikambanana Tantsary. Efa manomboka ny fisoratana anarana raha hifarana ny 15 mey ho avy izao kosa. Azo raisina hatrany ao amin’ny Tahala Rarihasina Analakely ny antontan-taratasy mifandraika amin’izany, raha araka ny resaka nifanaovan’ny mpikarakara tamin’ny mpanao gazety omaly. Natao ho an’ny rehetra ny fifaninanana. Tsy voatery hiompana amin’ny resaka SIDA ihany koa anefa, hoy Randriamanantena Vololona, mpandrindra ankapobeny eo anivon’ny Omasave fa rehefa manentana sy mampianatra ny olona handresy ny henatra sy hanao fitiliana ary hitsabo tena dia efa mety. Tanjona moa ny hahafahana mandresy tanteraka ireo karazana kodiarana enina ao anatintsika olombelona na ilay antsoina hoe : KHFFFAR izay ahitana ny tahotra sy ny henatra ho an’ny marary, ny fandavana sy ny fanavakavahana ho an’ny manodidina, ny fidonanam-poana, ny asa ratsy ary ny kitra izay tena mamono haingana sy vetivety tokoa raha oharina amin’ny SIDA izay efa mahazo ny Malagasy 4.000 isa ankehitriny.

Pati