Edito

Zarazarao hanjakana

Edito
Alakamisy 18 Febroary 2016

Fa inona indray ary ity ? Io no fanontaniana tsy afaka am-bavan�ny maro raha nandre ny raharaha momba ny filohan�ny Fjkm.

Vetivety dia niparitaka ny resaka satria olona manana ny maha izy azy sady malaza no voakasika. Ka izay indrindra no somary nahagaga tamin’ny filazan’ireo polisy hoe : tena tsy fantatray ianao tompoko ka aleo manaraka anay any amin’ny birao. Tsy ivalamparana be eto ny zava-nitranga fa ny hany somary nanaitra dia nahoana no aty amin’ny fotoana manakaiky ny Synoda lehibe tokoa no mitranga tampoka izao raharaha izao ? Amin’izay raiamandreny am-panahy manana ny anjara toerany eo amin’ny Fiangonana sy ny fiarahamonia ary ny fiainam-pirenena no resahana eto fa tsy sanatria jiolahy mpanao ratsy. Na ahoana na ahoana paikadin-tserasera atao, mba tokony hisy fetrany ihany kosa fa tsy manao sangy mihoatra ny loha tahaka izao. Sa ve mitombina ny siosion-dresaka ny amin’ny fisian’ny hetsika fanaratsiana sy fanalam-baraka atao amin’ity mpitondra fivavahana ity mba hampihena ny isam-bato mety ho azony rehefa raikitra ny fifidianana any amin’ny Synoda lehibe ? Mety fomba fiady ihany koa hampizarazarana ny Fjkm ny tranga tahaka izao mba hampalemy azy !

RTT