Edito

Voa tamin�ny kely foana !

Edito
Alarobia 13 Jolay 2016

Na ahoana na ahoana fomba filaza sy adihevitra mety hatao dia nahomby aloha ny hetsiky ny mpanao gazety omaly.

Voaporofo fa fahefana faha-4 tokoa ny mpanao gazety sy ny asany. Nikoropaka ny fanjakana, asa na mahana amin’ny ratsy natao na efa voataizan’ilay tahotry ny hiongana ka vao misy vondron’olona mihetsika kely dia mamoaka tafika avy hatrany. Hitan’ny rehetra izao, na eto an-toerana na any ivelany fa mpitondra kaodikaody lava no misy eto Madagasikara, izany hoe tsy mahatoky ny heriny sy ny fitiavan’ny olona azy intsony ka tsy maintsy mampiasa zavatra hafa mba hametrahana ny fahefany. Tena voan’ny mpanao gazety tamin’ny kely foana ny fitondrana omaly. Notairina kely ary tonga dia nikoropaka be ka nametraka emmo reg eraky ny tanàna. Hay ve misy tahaka ireny ihany e ! Ka nahoana no tsy atao isan’andro mba hanenjehana ny jiolahy mpangalatra sy mpanolana ary mpamono olona ireny ? Efa ren’ny mpanao gazety fa misy paikady maloto ketrehana any ambadibadika any handotoana ny hetsika. Vaovao samy mahay mitsikaraka, atidoha samy manana ka tsy misy mifanambaka izany eto. Ny tantara dia mbola mitohy …

RTT