Edito

Verezin’ny fialonana

Edito
Alakamisy 27 Jolay 2017

Rahoviana ihany ny mpitondra antsika vao hijery ny hoavin’ity firenena ity ? Lasa miharihary toy ny vay an-kandrina nanomboka tamin’ny taona 2009 fa noho ny fialonana olona iray no hanaovan’ireo mpitondra nifandimby antsojay antoko politika sy mpitarika.

Satria ve ny mpitarika ilay antoko mbola hita fa mamim-bahoaka ary mampiaiky izao tontolo izao amin’ny haitarika ananany ka handrobamka ny laharana voalohany amin’ny fifidianana filoham-pirenena ? Hatrany amin’ny mpitondra sy ny mpanao politika ankehitriny no itoeran’ilay kolontsaina lomorina “Mifanindry”. Tsy azon’izy ireo an-tsaina intsony fa ilay vahoaka tsy mandady harona no mizaka ny tsy eran’ny ainy ary izy ireo no lasa saribakolim-bahiny. Efa verezin’ny fialonana tafahoatra ?

J. Mirija