Edito

Partagé sur :
• facebook

Velirano amin’ny fanatanterahana ny programan’asa samihafa ambara fa hoenti-mampandroso ny firenena no nilokalokan’ny Fanjakana ankehitriny.

 Toa mivadika ho vely kanota miantefa any amin’ireo tsy mitovy firehan-kevitra no laharam-pahamehana. Mandeha ny kajikajy politika amin’ny endriny maro: fanakatonana orinasa, fifehezana ny haino aman-jery, fanararaotana ny fahamehana,… Mahazo ny anjarany izay heverina fa mpifanandrina aminy. Eo ny Filoha teo aloha nifaninana taminy, fa io ihany koa fa toa miainga ny anjaran’ny antoko iray, izay manana ny maro an’isa amina andrim-panjakana iray. Toa ketrehina ny hanaisorana ny fahefana eo am-pelantanan’ireo taorian’ny karazana fahirano natao an’io andrim-panjakana io. Somary nahery vaika rahateo ny fanehoan-kevitry ny Filohan’izany andrim-panjakana izany tato ho ato. Toa lany andro manenjika ireo ambara fa efa resiny. Hatramin’izao dia mbola ao anatin’ny fanamafisana ny fahefana, hany ka toa miezaka mafy mamotika ireo heverina fa mpifanandrina na efa ho roa taona aza izay no nahavitan’ny fifidianana. Maro ny velirano nampanantenaina, ka sao dia ho lany andro manenjika ireo ambara fa “toujours afara”? Efa ireny iaraha-mahita sy maheno ireny ny fanehoan-kevitra momba ny fisiana fahadisoana politika ataon’ny mpitondra amin’izao fotoana izao, saingy tsy mahataitra ny Fanjakana. Iny niaraha-naheno iny ny fahenoan-kevitry ny Parlemantera iray olon’ny fitondrana, toa efa miantso ny mpitondra ho tonga saina, izay efa karazana anjomara. Mikorontana ny fitantanana: aferafera mahasaringotra olona ambony, tompon’andraikitra ambony manondrana,… hany ka toa lany andro mamono afo, kanefa mbola mihantsy ady ihany. Mandeha ny fotoana ka sao hanenenana e ?

Toky R

Tia Tanindrazana

Samia mijoro ho an'i Gasikara.