Vao mainka loza amin’atambo!

Raha te hanova sy hahavita zavatra

Edito
Zoma 21 Febroary 2025

dia mila miala amin’ny làlana mahazatra sy mitady fomba sy hevitra mahomby kokoa ! Tsy

izay anefa no mitranga raha tarafina amin’ny fiainam-pirenena sy ny fitantanana an’i Madagasikara ankehitriny. Tany amin’ny Repoblika faharoa no nalaza ny filaharana, ny tsaky pôpy,… kanefa dia izany no miverina ankehitriny amin’ny filalaovana ny fahantrana sy fahasahiranam-bahoaka. Noresahana ny jadona sy ampihimamba mbola tsy ampy 20 taona akory izay, fa izao na mivory ara-politika ao an-trano aza mety hahavoasambotra, ny miteny « Jiraman-doza » noho ny tsy fahombiazan’ilay orinasa handoavan-dRamalagasy vola efa mampigadra sy mivadika ho heloka fanakorontnana ny filaminana anatin’ny Firenena, ny resaka fanagadrana politika izay noheverina fa halavirina tahaka fasam-bao vao mainka miha zava-doza ankehitriny,… Ny fahantrana rambony isika, ny fanitsakitsahana ny demokrasia, tsy fanajana zon’olombelona,… igagan’izao tontolo izao kanefa ny filohantsika hono mpitarika mendrika indrindra aty Afrika. Asa izay tokoa ve ilay Madagasikara tsy maintsy mandroso ventesina ? Asa rahoviana vao mba handinin-teny e ?
Toky R