Edito

Vakiraoka mandrakizay

Edito
Sabotsy 27 Mey 2017

Tsy azo iadian-kevitra intsony fa mihavery tantara hatrany isika Malagasy ankehitriny.

Mibaribary io amin’ny fihazohazoan’ny ankamaroan’ireo tanora rehefa sendra ny adina na fanontaniana mikasika ny tantaram-pireneny. Nitranga izany tamin’ny fankalazana ny 29 martsa 1947 teo sy ny fankalazana ny 13 mey 1972. Ahiana hisy hiankanakana koa atsy ho atsy rehefa anontaniana ny anton’ny ankalazana ny datin’ny 26 jona. Iaraha-mahita koa anefa amin’izao fotoana fa miha mibahana eto amin’ny firenena ny kolontsaina tandrefana sy aziatika toy ny hira sy mozika. Efa tsy hiakatra eto an-drenivohitra sy faritra maro intsony koa ny henan’omby izay anisan’ny mirakitra harena sy kolontsaina ary hita hatrany amin’ny fanatontosana fomba amam-panao eto an-toerana. Mety tsy hihinam-bary sy henan’omby intsony koa ve ao aoriana kely ao ? Dia hijanona ho vakiraoka mandrakizay koa fanampin’izay satria na dia hatramin’ireo fivoriana efa nalaza ho hafahafa hatry ny ela dia io fa voaray teto koa.

Mirija