Edito

Vahoaka Malagasy Efa tena noana sy reraka

Edito
Alatsinainy 25 Septambra 2017

Efa tena noana ny vahoaka Malagasy ankehitriny, hoy Rabetsara Lita, filohan’ny fikambanana RNDC mpiaro ny zon’ny mpanjifa.

Miseho amin’ny endriny maro izy io toy ny fisian’ny tsy fandriampahalemana, ny tsy fifanajana eo amin’ny mpiara-belona, ny hasarotan’ny fiainana hateraky ny fiakaram-bidy eny an-tsena…Rariny raha natsangana etsy araben’ny fahaleovantena ny tsangambato mampiray ny faritra 22 satria ny fahavalon’ny mpanjaka voalohany dia ny mosary. Tena zava-dehibe loatra ny fisian’io tsangambato io, antoka iray hamelona ny maha Malagasy indray any am-pon’ny tsirairay. Amin’ny maha taranaka Mpanjaka Zafimananga Antaifasy azy avy any Volompary Vangaindrano no antony nanosika azy hanatrika sy hanatevin-daharana ny taom-baovao Malagasy sy ny fametrahana tsangam-bato tetsy Analakely izay notanterahina ny faran’ny herinandro teo. Mikasika ny tolona tanterahin’ny RNDC manokana dia nambarany fa mitohy hatrany ny hetsika, indrindra ho fiarovana ireo vahoaka hiharan’ny tsindry hazolena.

Pati