Edito

Tsy nohenoin-teny ?

Edito
Talata 27 Desambra 2011

Raharaha mbola mitana ny sain�ny mpanara-baovao ary hanamarika ity andro anio ity ny olana eo anivon�ny polisy sy ny mpitsara. Fivoriana saika nanontolo andro teny Antanimora omaly.

Niakatrakatra ihany ny feo satria misy amin’ireo polisy no mahatsiaro fa ny lehiben’izy ireo indray no manosika mankany amin’ny fonja. Vokatr’io dia iraka no nalefan’ny minisitry ny polisy tao Antanimora omaly hilaza fa hahemotra ny fivoriambe tokony ho natao teo anivon’io vondron’ny mpitandro ny filaminana io. Tsy nahoan’ny polisy tao amin’ny FIP, ary tonga marobe, izany fa notohizan’izy ireo ny fivoriana tokony ho natao. Tsy vitan’izay fa mbola nisy ihany koa ny fivoriambe omaly hariva. Ho an’ny mpanara-maso dia midika ny fihetsika toy izao fa sady tsy henoin-teny no tsy mahatapak’ahitra ny minisitry ny polisy momba ity olana eo anivony ity. Etsy andanin’izany ihany koa anefa dia tsikaritra fa miha misaraka hatrany ny mpitsara. Anio no hisy ny fivoriambe izay hataon’ireto farany ary eo no hahitana izay fanapahan-kevitra hentitra, araka izay nolazaina hatrany, horaisin’izy ireo. Ho hita eo ny fivoaran’ny toe-draharaha.
G.T