Edito

Tsy mety intsony e !

Edito
Alakamisy 17 Martsa 2016

Izay asan�ny Fanahy Masina no tsy fantatra fa raha ny zava-misy hiainana ankehitriny aloha dia sakay sy maso ny filoham-pirenena sy ny praiminisitra.

Izay no zava-misy ary tsy afaka ny handà izany ny roa tonta na hahalala fomba be hanao resaka diplaomatika aza. Efa mibaribary ilay tsy fitovian-kevitra e ! Vao miha nampirehitra ny ady ny zava-misy any Farafangana. Teo ihany koa ilay resaka fisamborana olona akaiky ny filoham-pirenena saika notanterahana ny zoma lasa teo sy ny zavatra hafa maro be. Fa anisan’ny nanaitra ny maro dia ilay fahataran’ny fiaingan’ny filoham-pirenena ho any Maorisy satria niandry an’ingahy praiminisitra teny Ivato. Izy indray ve izany no mampiandry ny filohan’ny repoblika ? Mba hafahafa ihany a ! Misy tsy milamina eto e ! Tsy ambara vahoaka fa dia kobokobonina ao ambony ao. Ny fahitana azy dia tsy hilamina mihitsy ity raharaha ity fa tena ho lasa fifandirana tahaka ny tamin’ny repoblika faha-3 tapany voalohany nampiady ny filoha Zafy sy ny praiminisitra Ravony. Efa tena lalim-paka ny fifandiran-kevitra ka sarotra ny hamaha azy. Ny andrasana dia izay sahy hamaky bantsilana ka hilaza ny tena marina.

RTT