Edito

Tsy manan-kery

Edito
Alarobia 23 Febroary 2011

Mifarombaka miteny avokoa ireo mpanao politika mivoaka avy amin’ireo antoko nandrafitra ny ankolafy Rajoelina, ary nomena toerana na ao amin’ny Kongresin’ny tetezamita na ao amin’ny Filankevitra ambonin’ny tetezamita. Mahatsiaro angamba izy ireo fa mihozongozona ny sezany amin’izao fanohizana ny dinika hikatsaham-bahaolana izao, izay antenaina fa hivoaka amina sori-dalana eken’ny rehetra, ka dia miezaka miseho, miteny na dia miteniteny foana aza ny sasany, mba hitazonana seza sao tratry ny hoe izay tsy miteny tsy namako eo.

Dia zary tanisa ny hoe hanao sonia sori-dalana. Fa sori-dalana inona ity hosoniavina ? Ny Dr Simao nanolotra azy aza milaza fa mbola hifandinihana iny, fa tsy raikitra. Raha fanadinam-panjakana izy ity dia mazava fa vakiraoka misafotofoto no tadiavin’ireto mpiadina sasany hotsaraina, na fantany izao aza fa tsy manan-kery izany.

Jean D.